Image default
HƏRBİ

Zakir Həsənov düşmən təxribatlarının qarşısının alınması üçün tapşırıqlar verdi

Mayın 31-də Müdafiə naziri general-polkovnik Zakir Həsənovun rəhbərliyi ilə xidməti müşavirə keçirilib.

Bununla bağlı Müdafiə Nazirliyi məlumat yayıb.

Müşavirəyə nazir müavinləri, qoşun növləri komandanları, nazirliyin baş idarə, idarə və xidmət rəisləri, eləcə də videobağlantı vasitəsilə azad edilmiş ərazilərdə yerləşən birlik və birləşmə komandirləri, o cümlədən digər məsul zabitlər də cəlb olunub.

General-polkovnik Z.Həsənov son günlər Ermənistan-Azərbaycan dövlət sərhədinin Kəlbəcər və Laçın rayonları sahəsində Ermənistan silahlı qüvvələrinin təxribatları nəticəsində yaranmış vəziyyəti təhlil edib. O, əməliyyat şəraiti ilə bağlı Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin tapşırıqlarını və qarşıya qoyduğu vəzifələri müşavirə iştirakçılarına çatdırıb.

Xidməti-döyüş fəaliyyətinin təşkili ilə bağlı məsələləri xüsusi qeyd edən Müdafiə naziri düşmən təxribatlarının qarşısının alınması ilə bağlı azad edilmiş ərazilərdə yerləşən hərbi hissələrin komandanlığına qətiyyətli addımların atılması və çevik tədbirlərin görülməsini tapşırıb.

Kateqoriya üzrə digər xəbərlər

Şəhidlərimizin xatirəsinə mahnı həsr olundu – VİDEO

Admin

İran XİN Ermənistanın Azərbaycanın şəhərlərini atəşə tutmasını pisləyib

Admin

Sülhməramlılar Laçına belə DAXİL OLDU – VİDEO

Admin

Qarabağda ölüm saçan silah ABŞ-ı qorxuya saldı – Hərəkətə keçdilər

Admin

Mahsun Kırmızıgül şəhid generalın ailəsinə başsağlığı verdi – FOTO

Admin

Niderland mediasında şəhid mayor Anar Novruzovdan yazılıb

Admin

Şərh yazın