Image default
AZƏRBAYCAN DÜNYA

Ukraynalılar və azərbaycanlılardan ibarət gənclər hərəkatı yaradılıb – FOTO

Ukraynada ilk dəfə olaraq azərbaycanlı və ukraynalı gənclər birgə hərəkat yaradıblar.

“Report”un əldə etdiyi məlumata görə, Poltava vilayətində yaradılan və əsasən idmançılardan, idmanın müxtəlif sahələrində nəticələr əldə etmiş gənclərdən ibarət “Ukrayna-Azərbaycan Gənclər Hərəkatı”na ilkin mərhələdə sədr azərbaycanlı gənc idmançı Əkbər Hüseynzadə seçilib.

Hərəkat Ukrayna Ədliyyə Nazirliyində qeydiyyatdan keçib.

İdmançıların üstünlük təşkil etdiyi, amma digər müxtəlif sahələrdə fəal olan gənclərin də təmsil olunduğu hərəkatda əsasən azərbaycanlılar və ukraynalılar üstünlük təşkil etsə də, Ukraynada yaşayan digər azsaylı xalqların gənc nümayəndələri də var.

Ə.Hüseynzadə “Report”a açıqlamasında bildirib ki, başlanğıcda hərəkata Poltava və yaxın digər vilayətlərdən 200-ə qədər gənc qoşulub:

“Amma bizim məqsədimiz bütün Ukraynanı əhatə etməkdir. Təşkilatımıza əsasən idman olmaqla müxtəlif sahələrdə uğurlar əldə edən gənclər qoşulur. Nizamnamədə də göstərildiyi kimi, hərəkatın məqsədi Ukrayna-Azərbaycan münasibətlərinin inkişafında gənclərin fəaliyyətini istiqamətləndirməyə dəstək olmaq, yenilənən Ukraynada gənclərin fəaliyyətini mobilləşdirməkdir. Eyni zamanda, bu hərəkatda da biz, azərbaycanlı gənclər tarixi vətənimiz Azərbaycanı qürurla təmsil etməyə davam edəcəyik. Vətənimiz Azərbaycanın durmadan güclənməsi, güclü dövlət olması və xüsusilə Ermənistan üzərində 30 illik işğala son qoyması bizi də qürurlandırır. Bir Ukrayna vətəndaşı kimi yaşadığımız ölkədə yeniliklər bizi nə qədər stimullaşdırırsa, tarixi vətənimiz Azərbaycanın qüdrəti, Ukrayna-Azərbaycan dostluğunun möhkəmlənməsi də o qədər stimullaşdırırır”.

Bodibildinq üzrə Ukraynanı beynəlxalq yarışlarda təmsil edərək ali titullara sahib olan Ə.Hüseynzadə ali təhsilli hüquqşünasdır.

 

Kateqoriya üzrə digər xəbərlər

Tatarıstanlı qanuni oğru “Lotu Quli” barədə görün nələr dedi

Admin

Azərbaycanın Avropa İttifaqı ilə ticarət dövriyyəsi – RENKİNQ

Admin

Azərbaycan xüsusi dronlar alacaq

Admin

Azərbaycanın humanizmi nəticəsində Maral Nacaryan ötən gün azad edildi – Leyla Abdullayeva

Admin

Mənalı ömrün uğur hekayəsi və ya Dünya şöhrətli alimin ömür salnaməsi

Admin

Rafael Cəbrayılovun cinayət işində “Şərurlu İsfəndiyar”ın adı hallanır

Admin

Şərh yazın