Image default
DÜNYA SƏHİYYƏ

Külli miqdarda yeyintiyə görə mərkəzi xəstəxananın baş həkiminə cinayət işi AÇILDI

“Şirvan Şəhər Mərkəzi Xəstəxanası” Publik Hüquqi Şəxsin (PHŞ) direktorunun qanunsuz əməlləri ilə bağlı daxil olmuş müraciət əsasında şəhər prokurorluğunda araşdırma aparılıb.

Şirvan Şəhər Prokurorluğunda aparılan araşdırmalarla PHŞ-nin direktoru İlham Mustafayevin 24.04.2021-ci il tarixdən hazırkı vaxtadək vəzifə səlahiyyətlərindən sui-istifadə edərək özü və üçüncü şəxslər üçün qanunsuz üstünlük əldə etmək məqsədilə xidməti nəqliyyat vasitəsi kimi sənədləşdirilib VAZ-21063 markalı avtomaşının faktiki işləmədiyi halda Aqşin Əhmədov adlı şəxsin adına rəsmiləşdirməklə iş funksiyasını icra etmədiyi halda ona 1054 manat məbləğində əməkhaqqının ödənilməsinə əsaslı şübhələr müəyyən edilib. İlham Mustafayevin həmçinin “Elxan Fərəcov” MMC-dən 4 min 980 manat dəyərində texniki avadanlığın alınmasının rəsmiləşdirilməsi yolu ilə dövlət büdcəsindən həmin məbləğdə pul vəsaitinin köçürülməsini təmin etməsinə də əsaslı şübhələr müəyyən edilib.

Faktla bağlı Şirvan Şəhər Prokurorluğunda Cinayət Məcəlləsinin 308.1 (vəzifə səlahiyyətlərindən sui-istifadə) və 313-cü (vəzifə saxtakarlığı) maddələri ilə cinayət işi başlanıb.

Hazırda iş üzrə cinayət əməllərinə yol vermiş şəxslərin müəyyən edilərək istintaqa cəlb edilməsi istiqamətində zəruri istintaq hərəkətləri davam etdirilir.

Kateqoriya üzrə digər xəbərlər

Rusiyanın 100 ən yaxşı iqtisadçısından 3-ü azərbaycanlıdır

Admin

Fələstin İsrail və ABŞ-la imzaladığı sazişlərdən çıxdığını elan etdi

Admin

Ekspert: “İran anlayır ki, Azərbaycan Cənubi Qafqazda liderdir”

Admin

Türkiyədə dövlət çevrilişinə cəhd edənlərə ömürlük həbs cəzası verildi

Admin

Yanacaqdaşıyan maşın yaşayış evinə çırpıldı – ANBAAN VİDEO

Admin

Makron Paşinyanın davranışlarından şübhələndiyini deyir – VİDEO

Admin

Şərh yazın