Image default
HADİSƏ / CİNAYƏT

Gəncədə onlayn mebel satmaq adı ilə dələduzluq edən şəxs ələ keçdi – FOTO/VİDEO

Gəncə şəhər Baş Polis İdarəsinin Kəpəz rayon Polis İdarəsinin əməkdaşları tərəfindən sosial şəbəkələr vasitəsi ilə vətəndaşlara mebel dəstləri satmaq adı ilə dələduzluq etməkdə şübhəli bilinən Şəki şəhər sakini Səbuhi Əsmənzadə saxlanılıb.

Daxili İşlər Nazirliyinin Mətbuat Xidmətinin Gəncə regional qrupundan verilən məlumata görə, S. Əsmənzadə “Instagram” sosial şəbəkəsində “prenses_mebel_salonu”, “stil­_mebel_salonu”, “estello_mebel_salonu” və “arzum_mebel_salonu” adlı səhifələr yaradaraq vətəndaşlara özünü başqa adlar ilə təqdim edib, ucuz mebel dəstləri satacağını vəd edərək, müəyyən məbləğləri onlayn yolla kart hesabına köçürdükdən sonra həmin şəxslərlə əlaqəni kəsib.

Bundan başqa saxlanılan şəxs Şəki şəhərində qeydiyyatda olmasına baxmayaraq, Bakı şəhərində müxtəlif evlər kirayələyib, başqa-başqa şəxslərin adına bank kartı açıb, mütəmadi olaraq mobil nömrəsini və yaşadığı ünvanı dəyişib.

Özünü tanınmış mebel firmalarının rəsmi nümayəndəsi kimi təqdim edən S.Əsmənzadənin cari ilin müxtəlif vaxtlarında hələlik beş vətəndaşdan ümumilikdə 6 200 manat pulu dələduzluq yolu ilə mənimsədiyi məlum olub.

S.Əsmənzadənin əməllərindən digər vətəndaşların da zərər çəkməsi istisna olunmur, odur ki, həmin şəxslər DİN-in “102” Zəng Mərkəzinə, Gəncə şəhər Baş Polis İdarəsinə və ya ərazi üzrə polis idarə, şöbə və ya bölmələrinə müraciət edə bilərlər.

Saxlanılan şəxs barəsində Gəncə şəhər Baş Polis İdarəsinin İstintaq və Təhqiqat İdarəsində Cinayət Məcəlləsinin 178.2.2 (Dələduzluq) maddəsi ilə cinayət işi başlanılıb, araşdırmalar davam etdirilir.

Kateqoriya üzrə digər xəbərlər

Axtarışda olan qadın altı il sonra saxlanıldı

Admin

Bakıda yaşadığı qadının başını kəsən şəxs: “Dedi ki, arvadını at, gəl mənimlə yaşa” – VİDEO

Admin

Bakıda dəmir yolu işçisi vaqonun altında qalıb öldü

Admin

Jurnalist canlı yayımda polis tərəfindən atəşə tutuldu – VİDEO

Admin

Əri tərəfindən hərəkətdə olan maşından atılan qadın xəstəxanada öldü

Admin

Qubada “Son zəng” şənliyi təşkil edən şəxslər məsuliyyətə cəlb olunublar – FOTO

Admin

Şərh yazın