Image default
HADİSƏ / CİNAYƏT İQTİSADİYYAT

DİN-dən polisə 100 manat rüşvət verdiyinə görə həbs olunduğu iddia edilən şəxslə bağlı REAKSİYA

Azərbaycanda polisin vətəndaşı haqsız yerə həbs etməsi barədə iddialar yayılıb.

Bu barədə görüntülər sosial şəbəkələrdə yayılıb.

İddia olunub ki, Əliyev Anar Tahir oğlu yol polisinə rüşvət verdiyi üçün həbs olunub.

Məsələ barədə Daxili İşlər Nazirliyi (DİN) ilə əlaqə saxladıq.

DİN-in mətbuat xidmətinin inspektoru, polis mayoru Anar Qafarov Oxu.Az-ın sorğusuna cavab olaraq bildirib ki, Anar Əliyev törətdiyi əmələ görə həbs olunub:

“Bir müddət idi ki, Suraxanı Rayon Polis İdarəsində Anar Əliyevin narkotik vasitələrin qanunsuz dövriyyəsi ilə məşğul olması barədə əməliyyat məlumatları var idi. Həmin gün də o, polis əməkdaşları tərəfindən şübhəli şəxs qismində saxlanılıb, üzərinə baxış keçirilən zaman psixotrop maddə olan metamfetamin və narkotik vasitə heroin aşkar olunub.

Suraxanı Rayon Məhkəməsinin qərarı ilə onun barəsində dörd aylıq həbs qətimkan tədbiri seçilib. Onu da əlavə edim ki, Anar Əliyev bundan əvvəl də iki dəfə məhkumluq həyatı yaşayıb. Ona görə də yol polisi ilə bağlı səsləndirilən ittihamların bu məsələ ilə heç bir əlaqəsi yoxdur. O, konkret əməlinə görə həbs olunub”.

A.Qafarov qeyd edib ki, görüntülərdə əks olunan yol patrul xidmətinin əməkdaşı barədə də artıq tədbir görülüb:

“O, işində verdiyi nöqsanlara görə tutduğu vəzifədən azad edilib”.

Kateqoriya üzrə digər xəbərlər

Azərbaycanda ayı parçaladığı deyilən uşaq təcavüzə uğrayıb? – YENİLƏNİB

Admin

Kürdə batan iki şəxsin axtarışları davam edir – RƏSMİ

Admin

Bakıda binanın eyvanı uçdu – FOTO/VİDEO

Admin

Bakıda motosiklet avtomobillə toqquşdu

Admin

İki yük maşınının arasında qalan dörd avtomobil “yoxa çıxdı” – ANBAAN VİDEO

Admin

Azərbaycanda oğlan keçmiş sevgilisinə hücum etdi – ANBAAN VİDEO

Admin

Şərh yazın