Image default
TEXNOLOGİYA

Beynəlxalq reytinqdə Azərbaycanın kibertəhlükəsizlik indeksində irəliləyib

Beynəlxalq Telekommunikasiya İttifaqının “Qlobal kibertəhlükəsizlik indeksi 2020” (Global Cybersecurity Index (GCI) hesabatı dərc edilib.

Nəqliyyat, Rabitə və Yüksək Texnologiyalar Nazirliyindən AZƏRTAC-a bildirilib ki, Azərbaycan reytinqdə mövqeyini 15 pillə yaxşılaşdıraraq 40-cı yerdə qərarlaşıb. Ölkəmiz ümumilikdə 89.31 xal toplayıb.

Ölkələrin “GCI” indeksinin müəyyən edilməsi məqsədilə müvafiq məlumatların toplanması 2014-cü ildən həyata keçirilir. “GCI” indeksi dövlətlərin kibertəhlükəsizlik səviyyəsini beş əsas sahə üzrə qiymətləndirməklə ranqlaşdırma məqsədi daşıyır:

– Hüquqi tədbirlər (qanunvericilik, tənzimləmə və nəzarət);

– Texniki tədbirlər (CERT, standartlar, sertifikatlaşdırma);

– Təşkilati tədbirlər (siyasət, strategiya, cavabdeh təşkilat, milli qiymətləndirmə);

– Kadr potensialının gücləndirilməsi tədbirləri (standartların işlənməsi, insan resurslarının inkişafı, peşəkarların və təşkilatların sertifikatlaşdırılması);

– Əməkdaşlıq (idarələrarası, idarədaxili, dövlət-özəl sektor, beynəlxalq).

“GCI” indeksi qeyd olunan beş istiqaməti xarakterizə edən 20 indikatoru bir indeksdə birləşdirir.

“Qlobal kibertəhlükəsizlik indeksi 2020” hesabatında Azərbaycan MDB ölkələri arasında Rusiya və Qazaxıstandan sonra 3-cü yerdədir. Ölkəmiz Beynəlxalq Telekommunikasiya İttifaqına üzv olan 194 ölkə arasında İsveçrə (42), Tunis (45), İrlandiya (46), İran (54), Gürcüstan (55), İslandiya (58), Rumıniya (62), Sloveniya (67), Çexiya (68) və Ukrayna (78) kimi ölkələri qabaqlayıb. Reytinqdə ilk yerləri isə müvafiq olaraq, ABŞ, Böyük Britaniya, Səudiyyə Ərəbistanı, Estoniya, Koreya Respublikası, Sinqapur və İspaniya bölüşür.

Kateqoriya üzrə digər xəbərlər

“Facebook” Azərbaycanın ən böyük rusdilli səhifələrindən birini sildi: Yeni səhifə yaradıldı

Admin

“Samsung”un Mədəniyyət Nazirliyi ilə birgə layihəsi: “Sənət kainatına səyahət”

Admin

“WhatsApp”da yeni funksiya istifadəyə verilir: Fayllar avtomatik silinəcək

Admin

Yutubda sıfırdan kanal qurub məşhur olmağın yolları – Mütəxəssis açıqlayır

Admin

“Samsung Galaxy Z Fold 2”: Gələcək bildiyinizdən daha yaxındır

Admin

Tik Tokun rəhbəri istefa verdi

Admin

Şərh yazın