Image default
SƏHİYYƏ

Bakıda bakirə qızın “hamilə çıxarılması” iddiası ilə bağlı AÇIQLAMA – YENİLƏNİB

“Ötən gün sosial mediada “Bakıda özəl klinikada bakirə qızı “hamilə” çıxardılar” sərlövhəsi ilə yayımlanan və böyük səs-küyə səbəb olan yazıya aydınlıq gətirmək məqsədilə “Avrasiya Hospital”a müraciət etdik.

Hospitaldan   bildiriblər ki, 8 iyun 2020-ci ildə, 19:40 radələrində 1993-cü il təvəllüdlü xanım pasiyent müraciət edərək, çanaq boşluğu MRT müayinəsindən keçirilib.

“Radioloji görüntülər hospitalın həkim mütəxəssisləri tərəfindən dəyərləndirilib və rəy-nəticə hazırlanıb. Nəticədə, həmçinin, müayinə zamanı aşkar edilmiş heterogen strukturlu kütləni differensasiya etmək üçün müalicə həkiminə tövsiyələr qeyd olunub.

MRT müayinəsinin cavabında pasiyentdə sol yumurtalıq lojasında içi qan sızmalı törəmə qeyd olunub və pasiyentə “ekstrauterin hamiləlik” diaqnozu qoyulub (Ekstrauterin hamiləlik dedikdə, həmçinin, yumurtalıqda və digər orqanlarda baş verən hamiləlik nəzərdə tutulur. Bunu da dəqiqləşdirmək üçün qanda hamiləliyi təyin edən analiz məsləhət görülüb.  Nəzərə alsaq ki, yumurtalıq və boru bitişik orqandır.

Yumurtalıqda olan kistanın partlaması və pozulmuş hamiləlik görüntüsü bənzər olduğundan, xəstədən toplanan məlumatlara əsasən, (heç də bakirə olmayıb, əvvəllər evli olub) xəstəyə diaqnozu dəqiqləşdirmək üçün laborator müayinə məsləhət görülüb”, – hospitaldan qeyd edilib.

10 iyun, 18:00

Bakıda “Avrasiya” Hospitala MRT müayinəsi üçün gedən S.B. adlı xanım pasiyentin başına görünməmiş hadisə gəlib.

Bu barədə Medicina.az-a pasiyentin özü məlumat verib.

O bildirib ki, ötən gün qarın və kiçik çanaq hissəsində dəhşətli ağrılarla özəl klinikaya gedərək, orada USM müayinəsindən keçib. Lakin ağrıların səbəbini dəqiq tapa bilməyən həkimlər onu “Avrasiya” Hospitala MRT müayinəsinə göndəriblər. Yalnız bu müayinənin dəqiq nəticə göstərəcəyini deyiblər.

Ağrılar içində və həkimlərin də çaşqınlığından qorxan qız təcili olaraq həmin klinikaya gəlib, müayinədən keçib:

“Klinikanın həkimləri göndəriş vərəqində ilkin diaqnoz kimi yumurtalıq kistinin partlaması, qanaması, daxili qanaxma şübhəsi yazmışdılar. Buna baxmayaraq, məni çox baha qiymətə təcili MRT-yə saldılar, cavabı isə 24 saat sonra verdilər.

Ağrıkəsicilərlə birtəhər səhərə kimi gözləmişəm.

Səhər nişanlımla cavabı götürməyə getdik, o dəhşətli, ağlımıza gəlməyən nəticəni eşitdik və şoka düşdük.

Nişanlımın yanında mənə uşaqlıqdan kənar, boru hamiləliyi diaqnozu qoydular. Kağızda “extrogen hamiləlik” yazılmışdı və sual işarəsi qoyulmuşdu. Bunun nə olduğunu soruşdum, dedilər, gedin, test edin, analiz verin.

Dəfələrlə həkimə dedim ki, bu, ola bilməz. Necə hamilə qala bilərəm, havadan? Axı mən cinsi həyat yaşamıram.

Təsəvvür edin həmin an nişanlımın vəziyyətini.

Çox böyük dəhşət içində baş həkimin, rəhbərliyin qəbuluna getdim ki etirazımı bildirim, məni içəri buraxmadılar. Orada bir sutkaya 350 manat ödəmişdim, onu tələb etdim. Açıq-aşkar dedilər ki, pulu da vermirik, diaqnoz da budur”.

Nəticədə, digər klinikada yenidən USM müayinə olunan xanımda yumurtalıqda ağırlaşmış follekulyar kist aşkar olunub və müalicə yazılıb:

“Bir yanlış diaqnozla mənim bütün sağlamlığım, şəxsi həyatım alt-üst ola bilərdi. O kist partlayardı, qanama güclənərdi… Belə çıxır ki, bunlar boruda olmayan hamiləliyi axataracaqdılar? Klinikadan ödədiyim pulu geri istəyirəm. Onları məhkəməyə vermək barədə düşünürəm”.  Oxu.Az

Kateqoriya üzrə digər xəbərlər

TƏBİB əməkdaşları arasında koronavirusdan vəfat edən yoxdur – AÇIQLAMA

Admin

Bəzi məktəblərdə müəllimlərdən COVID-19 pasportu tələb olunmayacaq – YENİ QƏRAR

Admin

Həkim: “Ölkəmizdə “Delta” ştammı aşkarlanarsa, sərtləşmələrə gedilə bilər” – VİDEO

Admin

Bakıda qadının üzərinə dəmir düşdü, hadisə yerində öldü – VİDEO

Admin

Azərbaycanda son sutkada 12 nəfər koronavirusdan öldü – FOTO

Admin

Zaurun verilişində yoluxmuşam – Baloğlan Əşrəfov

Admin

Şərh yazın