Image default
AZƏRBAYCAN

Azərbaycanda iki vəzifəli şəxs barəsində cinayət işi başlandı – RƏSMİ

1 nömrəli uşaq Somatik sanatoriyasının baş həkimi Dilay İslamova və həmin müəssisənin baş mühasibi Burhan Cəfərovun qanunsuz əməlləri ilə əlaqədar keçirilmiş əməliyyat-axtarış tədbirləri nəticəsində Baş prokuror yanında Korrupsiyaya qarşı Mübarizə Baş İdarəsində Cinayət Məcəlləsinin 179.2.3 (şəxs tərəfindən öz qulluq mövqeyindən istifadə etməklə mənimsəmə), 179.2.4 (xeyli miqdarda ziyan vurmaqla mənimsəmə) və 308.1-ci (vəzifə səlahiyyətlərindən sui-istifadə) maddələri ilə cinayət işi başlanaraq hazırda istintaqı aparılır.

Bu barədə Baş Prokurorluğun mətbuat xidməti məlumat yayıb.

Aparılmış istintaq-əməliyyat tədbirləri ilə Dilay İslamova və Burhan Cəfərovun sanatoriyada işçi kimi rəsmiləşdirilən, lakin faktiki olaraq işə gəlməyən ayrı-ayrı tibb işçilərinin əməkhaqqı kartlarını özlərində saxlamaqla həmin kart hesablarında olan ümumilikdə 32 700 manat məbləğində pul vəsaitlərini nağdlaşdıraraq mənimsəmələrinə əsaslı şübhələr müəyyən edilib.

İstintaq zamanı qeyd edilən vəzifəli şəxslər tərəfindən vurulan maddi ziyanın tam həcmdə dövlət büdcəsinə ödənilməsi təmin edilib.

Hazırda cinayət işi üzrə əhəmiyyət kəsb edən halların müəyyənləşdirilməsi istiqamətində istintaq tədbirlərinin həyata keçirilməsi davam etdirilir.

Kateqoriya üzrə digər xəbərlər

Azərbaycanda limonun yeni sortunun becərilməsinə başlanıb – VİDEO

Admin

Türkiyənin uğurlarına öz uğurlarımız qədər sevinirik – Prezident

Admin

Azərbaycan ordusunun işğaldan azad etdiyi 185 məntəqə interaktiv xəritədə – VİDEO

Admin

Səhiyyə nazirinin birinci müavini vəzifəsi təsis olunub

Admin

İsa Həbibbəyli də Ramiz Mehdiyevin nəvəsinin toyunda iştirak edib? – AÇIQLAMA

Admin

Cəlilabad könüllülərini cəbhəyə yola saldı – VİDEO

Admin

Şərh yazın