Image default
HADİSƏ / CİNAYƏT SƏHİYYƏ

Azərbaycanda baş həkimin cinayət işi məhkəməyə göndərildi – RƏSMİ

1 saylı Şəhər Dəri-zöhrəvi Dispanserin baş həkimi Rəşad İsmayılovun qanunsuz əməlləri ilə bağlı vətəndaş müraciəti əsasında aparılan araşdırma üzrə Baş prokuror yanında Korrupsiyaya qarşı Mübarizə Baş İdarəsində Azərbaycan Respublikası Cinayət Məcəlləsinin müvafiq maddələri ilə cinayət işi başlanıb.

Baş Prokurorluqdan verilən məlumata görə, aparılmış istintaq-əməliyyat tədbirləri ilə qeyd edilən vəzifədə işləyərkən Rəşad İsmayılovun iş üçün ona müraciət etmiş şəxsə özünün yaxın vaxtlarda guya Azərbaycan Respublikasının səhiyyə naziri vəzifəsinə təyin olunduqdan sonra onu müvafiq tibb müəssisəsinə baş həkim vəzifəsinə təyin edəcəyi barədə yalan vəd verərək həmin vətəndaşın ümumilikdə 280 min manat məbləğində pul vəsaitini dələduzluq yolu ilə ələ keçirməsinə və vətəndaşı bilə-bilə qanunsuz hərəkətlərə görə rüşvət verməyə təhrik etməsinə əsaslı şübhələr müəyyən edilib.

İş üzrə toplanmış sübutlar əsasında Rəşad İsmayılova Cinayət Məcəlləsinin 178.3.2 (dələduzluq külli miqdarda ziyan vurmaqla törədildikdə) və 32.4, 312.2-ci (vəzifəli şəxs tərəfindən bilə-bilə qanunsuz hərəkətlər (hərəkətsizlik) etməyə görə rüşvət vermə rüşvət verməyə təhrik etmə) maddələri ilə ittiham elan edilərək məhkəmənin qərarı ilə barəsində həbs qətimkan tədbiri seçilib və cinayət işi baxılması üçün Bakı Ağır Cinayətlər Məhkəməsinə göndərilib.

Kateqoriya üzrə digər xəbərlər

Azərbaycanda son sutkada 2146 nəfər COVID-19-a yoluxub, 25 nəfər vəfat edib

Admin

Azərbaycanda dəhşətli hadisə: Ana bir yaşlı övladını su kanalına atdı

Admin

İzləyici toplamaq üçün özünü “avtoritet” kimi təqdim edən narkoman saxlanılıb – FOTO

Admin

Bərdədəki kütləvi dava zamanı adam öldürülməsi faktı Bakı Ağır Cinayətlər məhkəməsində

Admin

Şəkidə evdən 21 600 manat pul oğurlandı

Admin

Drift-şou göstərən sürücü həbs olundu – VİDEO

Admin

Şərh yazın