Image default
İDMAN

AIBA Beynəlxalq Olimpiya Komitəsini tənqid etdi

Beynəlxalq Həvəskar Boks Assosiasiyası (AIBA) Beynəlxalq Olimpiya Komitəsinin (BOK) Boks üzrə işçi qrupunun çıxardığı qərarları tənqid edib.

İşçi qrupu bazar ertəsi Olimpiadaya lisenziya verən, iyunda Yaponiyada keçirilməli olan Dünya Olimpiya Təsnifat turnirini ləğv edib, Avropa Olimpiya Təsnifat turnirinin isə apreldən iyuna keçirilməsi barədə qərar çıxarıb. Həmçinin, qərarda göstərilib ki, 53 kvota yeri boksçuların dünya reytinqi ilə müəyyənləşdiriləcək.

Bu isə AIBA-nın narazılığına səbəb olub. İlk narazılıq onunla bağlıdır ki, Dünya Olimpiya Təsnifat turnirini Olimpiadan bir ay öncə keçirmək mümkün idi, ləğv edilməsinə zərurət yox idi.

Üstəlik, reytinq sistemində gənclər arasında yarışlar nəzərə alınmadığından, 2001-2002-ci il təvəllüdlü boksçular həmin sıralamada yer almayıb. Reytinq sistemi ideal olmadığından, bu, həmin gənc boksçuların Olimpiada xəyallarının üstündən xətt çəkmiş olur.

Avropa Olimpiya Təsnifat turnirinin iyuna keçirilməsi isə bir ildir ki, idman yarışlarından kənar qalmış boksçuların məşq proseslərinə təsir göstərəcək və bu, çıxış zamanı keyfiyyətin aşağı düşməsinə səbəb olacaq.

Ona görə də AIBA hər bir boksçunun Olimpiadaya bərabər şansının olması üçün Avropa Olimpiya Təsnifat turnirinin vaxtını dəyişdirməməyi və Dünya Olimpiya Təsnifat turnirini ləğv etməməyi xahiş edib.

Qeyd edək ki, hazırkı vəziyyətə görə, Azərbaycan boksçularından Tayfur Əliyev (-57 kq) ötən il Olimpiadaya lisenziya qazanıb.

Kateqoriya üzrə digər xəbərlər

Məşqdə huşunu itirən 18 yaşlı macar futbolçu öldü – FOTO

Admin

Azərbaycanlı idmançıya Rusiyada haqsızlıq edildi

Admin

Futbol üzrə dünya çempionu Qətər klubunu çalışdıracaq

Admin

Azərbaycanlı idmançıya səkkiz illik cəza verildi

Admin

“Çelsi” Eden Azarı satdığının yarı qiymətinə qaytarmaq istəyir

Admin

Əmir Ağayev də toplanışa qatıla bilməyəcək

Admin

Şərh yazın